एनआरएन इन्फ्राइन्स्टक्चरकाे सेयरमा आवेदन दिने भाेलि अन्तिम दिन, हालसम्म कतिले भरे ?

  २०७७ साउन २० गते १७:२७     विकासन्युज


काठमाडौं । एनआरएन इन्फ्राइन्स्टक्चर एण्ड डेभलपमेन्टको साधारण सेयर(आईपीओ)मा आवेदन दिने भाेलि(साउन २१ गते अन्तिम दिन हाे । इच्छुकले भाेलि बैंकिङ समयभित्रमा उक्त सेयरमा आवेदन दिन सक्नेछन् ।

एनआरएन इन्फ्रास्ट्रक्चरकाे आईपीओमा लगानी गर्नु कत्तिकाे उचित ? यस्ताे छ तथ्य र तर्क

उक्त सेयरमा हालसम्ममा ३ लाख ३४ हजार २ सय ९२ जना आवेदकले आवेदन दिएका छन् । सेयर निष्काशन तथा बिक्री प्रबन्धक सानिमा क्यापिटलका अनुसार मंगलबार साउन २० गते ५ बजेसम्ममा उक्त आवेदकले एक कराेड ४० लाख ५३ हजार ७ सय ६० कित्ता सेयरकाे लागि आवेदन दिएका हुन् ।

जुन कम्पनीले माग गरेकाे भन्दा साढे ४.४४ गुणा बढी हाे ।

संस्थाले कूल ३३ करोड ९८ लाख ४ हजार ६ सय रुपैयाँ बराबरको एक सय अंकित दरका ३३ लाख ९८ हजार ४६ कित्ता सेयर बिक्रीमा राखेको हो । जसमध्ये ६७ हजार ९ सय ६१ कित्ता अर्थात २ प्रतिशत सेयर कर्मचारीहरुको लागि सुरक्षित गरिएको र १ लाख ६९ हजार ९ सय २ कित्ता अर्थात ५ प्रतिशत सेयर सामूहिक लगानी कोषहरुको लागि सुरक्षित गरिएको छ । र, बाँकी रहने ३१ लाख ६० हजार १ सय ८३ कित्ता साधारण सेयरको सार्वजनिक निष्काशन गरेकाे हाे ।

इच्छुक सर्वसाधारणले न्यूनतम १० कित्तादेखि अधिकतम ३१ लाख ६० हजार १८० कित्तासम्मकाे लागि आवेदन दिन पाउने छन् ।

अन्य समूह अन्तर्गतको रहेको यस कम्पनीको आईपीओ अन्य क्षेत्रमा नितान्त पहिलो प्राथमिक निष्काशन रहेको कम्पनीले जनाएको छ ।

साधारण सेयरको सार्वजनिक निष्काशन गर्नका लागि केयर रेटिङ्गस् नेपालले ‘केयर-एनपी आईपीओ ग्रेड ४’ प्रमाणपत्र प्रदान गरेको छ । जसले कम्पनीको आधारहरु औषत भन्दा तल रहको बुझाउँछ ।

सम्बन्धित समाचारः

३ लाख बढीले भरे एनआरएन इन्फ्राइन्स्टक्चरकाे आईपीओ

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.