काठमाडौ । नेपाल पुनर्बीमा कम्पनीले अपूर्ण र अस्पष्ट वित्तीय विवरण प्रकाशित गरेको छ । चार महिना ढिलागरी प्रकाशित गरेको वित्तीय विवरण मुन्सीले बुझ्न सक्ने, सर्वसाधारणले बुझ्न नसक्ने खाल्को छ । मुन्सीले पनि पत्रिकासँगै क्यालकुलेटर लिएर हिसाव गरेपछि मात्र वास्तविकता जानकारी पाउने छ ।

बैशाख महिनाभित्र प्रकाशित गर्नु पर्ने तेस्रो त्रैमासको वित्तीय विवरण साउनसम्म पनि प्रकाशित नगरेको विषयमा विकासन्युजमा सामाचार प्रकाशित भएपछि पुनर्बीमा कम्पनीले मंगलबार वित्तीय विवरण प्रकाशित गरेको छ ।

पुनर्बीमा कम्पनीले निर्जीवन बीमातर्फबाट ८२ करोड ५० लाख रुपैयाँ नाफा गरेको छ । जीवन बीमा तर्फबाट ९ करोड १० लाख रुपैयाँ नाफा गरेको छ ।

कुल नाफा कति हो भनेर वित्तीय विवरणमा प्रकाशित गरिएको छैन । त्यसको लागि मुन्सीले झै क्यालकुलेटर दवाएर हिसाव निकाल्नुपर्ने हुन्छ ।

नाफाको विवरण मात्र होइन, आम्दानी, खर्च, जगेडा तथा कोष, बीमा कोष लगायत सबै शीर्षकको हिसाव अस्पष्ट र अपूर्ण रहेको छ ।

यस विषयमा विकासन्युजले बीमा समितिका उच्च अधिकारीसँग जिज्ञासा राख्दा सर्वसाधारणले सेयर लगानी गरेको कम्पनीको वित्तीय विवरण पूर्ण र प्रष्ट हुनुपर्ने बताए । ‘पुनर्बीमा कम्पनीले प्रकाशित गरेको वित्तीय विवरणको फर्म्याट  परिमार्जन हुनुपर्ने देखियो । यसमा हाम्रो ध्यानाकर्षण भएको छ’ उनले भने ।

१० अर्ब रुपैयाँ चुक्ता पुँजी रहेको पुनर्बीमा कम्पनीमा सवा सवा तीन अर्ब रुपैयाँ संचित कोष छ । बीमा कोषसहित १२ अर्ब ६७ करोड रुपैयाँ पुँजी परिचालन गरेको कम्पनीले चैत महिनासम्ममा जम्मा ९१ करोड रूपैयाँ नाफा गरेको छ ।

सम्बन्धित समाचार

पुनर्बीमा कम्पनीले ४ लाख लगानीकर्तालाई झुक्यायो, सेयर मूल्यमा चलखेल गर्ने संस्थागत नियत

पुनर्बीमा कम्पनीमा अर्थमन्त्री र नेकपा महासचिव निकट संचालकबीच झगडा, सीईओ ‘काँग्रेसी कर्मचारी’ पेल्दै

सम्बन्धित शिषर्कहरु

नेपाल रिमा लगानी बढाउँदै हिमालयन र एशियन लाइफ, बुधबार किने ६३ करोडको सेयर

सीईडीबी हाइड्रोले डाक्यो वार्षिक साधारण सभा, बुक क्लोज कहिले ?

प्राधिकरणको आम्दानीबाट सरकारले दिने विद्युत सहुलियत धान्न सम्भव छैन : कुलमान घिसिङ

मेरोमाइक्रोफाइनान्स लघुवित्तले नवनियुक्त कर्मचारीलाई दियो तालिम

क्रेस्ट माइक्रो लाइफका अध्यक्ष ऋषिराज मोरले लिए सपथ

कति उपलब्धिमुलक रह्यो कतारका अमिरको नेपाल भ्रमण ?