२०७७ असार २८ गते १७:३९ विकासन्युज
काठमाडाैं । काठमाडौं उपत्यकामा अहिलेसम्म ३ सय ४७ जनामा कोरोना संक्रमण पुष्टि भएकाे छ । ईपिडिमियोलोजी तथा सरुवा रोग नियन्त्रण महाशाखाका निर्देशक डा वासुदेव पाण्डेले उपत्यकामा अहिलेसम्म ३ सय ४७ जनामा कोरोना संक्रमण पुष्टि भएकाे बताएका हुन् ।
पाण्डेले उपत्यकामा देखिएकाे अधिकांश संक्रमितहरु विदेशबाट आएकाहरु रहेकाे र काेही काेही भने कुनैपनि ट्राभल हिस्ट्री नभएकाे व्यक्तिहरु भएकाे बताए ।
पाण्डेले जिल्ला बाहिर संक्रमण घटिरहँदा उपत्यकामा भने बढिरहेकाे बताए । आईतबार नेपालमा ८२ जना काेराेना संक्रमित थपिँदा उपत्यकामा ६ जना थपिएका थिए । शुक्रबार मात्र उपत्यकामा ४३ जनामा संक्रमण पुष्टि भएकाे थियाे ।
कुनैपनि ट्राभल हिस्ट्री नभएकाे व्यक्तिहरुकाे कन्ट्याक ट्रेसिङ पनि सुरु गरिसकेकाे उनले बताए । यस्तै काठमाडौँ उपत्यकाका पाँच हजार मानिसको कोभिड–१९ को पिसिआर परीक्षण गर्नका लागि नमूना सङ्कलन उनले जानकारी दिए ।
Copyright © 2024 Bikash Media Pvt. Ltd.