काठमाडौं । नाडा अटोमोवाइल्स एसोसियसन अफ नेपालले कर तिर्ने म्याद आगामी असोज मसान्तसम्म थप्न माग गरेको छ । व्यवसायीहरुले कर विवरण र कर रकम विभागले तोकेको समयमा बुझाउन कठीन भएकाले सरकार समक्ष उक्त माग गरेको नाडाका महासचिव सुनिल रिजालले बताए ।

आन्तरिक राजश्व विभागले एउटा सार्वजनिक सूचना जारी गर्दै यही जेठ २५ गतेसम्म सबै उद्यमी एवं व्यवसायीहरुलाई कर विवरण तथा कर बुझाउन अनुरोध गरेकोे सम्बन्धमा ध्यानाकर्षण गरेको छ ।

साथै, समग्र अटोमोवाइल व्यवसायीहरुको जायज र न्यायोचित मागलाई सम्बोधन गर्ने गरी आयकर, मूल्य अभिवृद्धिकर, अन्तःशुल्कको विवरण र कर रकम बुझाउने म्याद सो अवधिसम्म थप गरी सबै अटोमोवाइल व्यवसायीहरुको मनोबल उच्च राख्न उपयुक्त व्यावसायिक वातावरण निर्माण गराउन सरकारसँग आग्रह गरेको छ ।

‘विश्वव्यापी रुपमा बढदो कोरोना भाइरस संक्रमणको सन्दर्भमा आम जनताको स्वास्थ रक्षाको लागि नेपाल सरकारले पनि २०७६ साल चैत्र ११ गते देखि देशव्यापी रुपमा लागु हुनेगरी लकडाउन घोषणा गरेको र यो २०७७ साल जेठ ३२ गतेसम्म विस्तार गरिएकोे अवस्थामा सवै किसिमका आर्थिक कारोबार मात्र थप्प नभई उत्पादन र वितरण लगायत सम्पूर्ण आपूर्ति प्रणाली नै बन्द प्राय रहेको सम्बन्धित निकायहरुलाई जानकारी भए कै विषय हो ।’- नाडाले भन्यो ।

यस्तो अवस्थामा सबै उद्यमी एवं व्यवसायीहरुलाई कर विवरण तथा कर बुझाउन समय सीमा थप गर्न नाडाले आग्रह गरेको छ ।

सम्बन्धित शिषर्कहरु

दूधमा पनि बर्डफ्लुको भाइरस फेला

पर्यटकको रोजाइमा घोडेपानी, एक वर्षमा ३१ हजारले गरे भ्रमण

महासंघमा संयोजकको जिम्मा सापकोटालाई, प्राथमिकतामा व्यवसायीका समस्या समाधान

ऐसले फर्निचर शोरुम अब नेपालमा, नयाँ युगको शुरुवात गर्ने (फोटो फिचरसहित)

फास्ट ट्रयाक तोकिएकै समयमा बन्छ, लागत बढेको छैनः प्रधान सेनापति

सचिव मरासिनीसहित ८ जनाले पाए सफाइ, सुनिल पौडेल दोषी ठहर