काठमाडौं । पाकिस्तानले गए रातिदेखि अन्तराष्ट्रिय उडान सुरू गरेको छ।

शुक्रबार एक सूचना जारी गर्दै अन्तराष्ट्रिय उडान सुरू गर्ने जानकारी दिएको थियो । उनीहरूका अनुसार नियमित उडानहरू भने शनिबारबाट सुरू गर्ने भएको हो ।

सरकारले कोरोना भाइरस सङ्क्रमणलाई नियन्त्रण गर्न लकडाउन खुकुलो पार्ने निर्णयसँगै अन्तराष्ट्रिय उडानलाई पुनः सुरू गर्न लागिएको छ, पाकिस्तान नागरिक उड्डयन प्राधिकरणले सूचना जारी गरेको थियो ।

ग्वादर र तुर्वत विमानस्थलबाहेकका पाकिस्तानका सबै अन्तराष्ट्रिय विमानस्थलबाट राष्ट्रिय तथा अन्तराष्ट्रिय उडानहरू सञ्चालनका अनुमति दिइएको छ । विदेशका लागि उड्ने उडानका लागि विभिन्न नियम तथा प्रक्रिया पाकिस्तानको सरकारले तोकिसकेको छ ।

जसअनुसार विमानस्थलमा भिडभाड नगर्ने र विमानलाई उडानपूर्व किटाणुशोधन प्रक्रियालाई प्रत्याभूत गर्नेलगायतका कोरोना सङ्क्रमणबाट सुरक्षाका लागि अपनाउनुपर्ने विधि रहेका छन् ।

कोरोनाको संक्रमण फैलिएसँगै पाकिस्तानले अन्तराष्ट्रिय उडानलाई गत मार्चदेखि रोकेको हो भने आन्तरिक (घरेलु) उडान भने अवश्यकतालाई ध्यानमा राख्दै अगाडी नै सुचारु गरेको थियो ।

सम्बन्धित शिषर्कहरु

बीमकलाई प्राधिकरणले भन्यो : भ्रम सिर्जना नगरी दावी भुक्तानी सुरु गर्नुस्

त्रिविका कानुनी सल्लाहकार खनाललाई कारबाही नगर्न आदेश

उपनिर्वाचनको मौन अवधि आज रातिदेखि सुरु, प्रचारप्रसार गर्न निषेध

बैंकरका सामू राष्ट्र बैंक स्तब्ध

टीभीएस अपाचेको आरटीआर १६० सार्वजनिक, मूल्य तीन लाख बढी

चिया निर्यातमा भारतीय अवरोध हट्यो