२०७७ जेठ १५ गते १८:२६ विकासन्युज
काठमाडौं । अर्थमन्त्री युवराज खतिवडाले विदेश तथा स्वदेश भ्रमण भत्ता, बैठक भत्ता, सभा सम्मेलनमा भाग लिन पाउने भत्ता सबै रोकेका छन् । आगामी साउनदेखि यी सबै भत्ता रोकिएको उनले बजेट भाषणमा सुनाए ।
कोरोना उपचारमा खटिने स्वास्थ्य कर्मी र सुरक्षाकर्मी बाहेकले पाउने प्रोत्साहत भत्ता, खाना, खाजा भत्ता पनि बन्द गरिएको उनले बताए ।
राजश्व संकलनमा आउने संकुचन र सार्वजनिक खर्चमा परेको भारबीच आर्थिक सन्तुलन ल्याउन मितव्ययि हुनुपर्ने उनले बताए ।
कार्यलय सञ्चालन खर्च, इन्धन खर्च, फर्निचर खरिद, सवारी खरिदमा उल्लेख्य बजेट कटौति गरिएको उनले बताए ।
काममा दोहोरोपना भएको संस्थाहरु खारेज गरिने, सार्वजनिक निकायमा नयाँ नियुक्ती बन्द गरिने, सार्वजनिक संस्थामा सञ्चालन अनुदान बन्द गरिने, दोहोरो अनुदान र सुविधा बन्द गरिने उनले बताए ।
उनले सबै सरकारी कर्मचारीको लागि एक लाख बीमाङ्क रकमको कोरोना बीमा निःशुल्क गर्ने गरिने बताए ।
Copyright © 2024 Bikash Media Pvt. Ltd.