ट्रम्पको ट्वीट भ्रामक रहेकाे भन्दै ट्विटरले दियाे तथ्यजाँच गर्ने चेतावनी
२०७७ जेठ १४ गते ७:०९ विकासन्युज
काठमाडाैं । ट्विटरले पहिलोपटक आफ्ना प्रयोगकर्ताहरूलाई सचेत गराउँदै राष्ट्रपति डोनल्ड ट्रम्पको एउटा ट्वीटबारे तथ्यजाँच गर्न भनेको छ ।
ट्रम्पले नोभेम्बर महिनामा हुने अमेरिकी राष्ट्रपतिय निर्वाचनमा हुलाकबाट भोट हाल्ने योजनाको आलोचना गर्दै ट्वीटहरू गरेका थिए । त्यसरी मतदान हुँदा त्यसको दुरूपयोग हुनसक्ने भन्ने उनका ट्वीटको तलपट्टि ट्विटरले प्रयोगकर्ताहरूलाई सचेत गराएको हो ।
विस्मयाबोधक चिन्हकासाथ ती ट्वीट मुनि ‘हुलाकबाट हुने मतदानबारे तथ्यहरू जान्नुहोस्’ भन्दै निलो रङ्गमा लेखिएको छ ।
त्यसले के हुन्छ ?
त्यहाँ क्लिक गर्दा ट्विटर प्रयोगकर्ताहरू उक्त दाबीको खण्डन गर्दै लेखिएका समाचारहरूसम्म पुग्छन् । ट्विटरले मानिसहरूलाई झुक्याउने सूचनाका विषयमा नयाँ नीति लिने यसै महिनाको सुरुमा बताएको थियो ।
उसले त्यसबेला आफ्ना केही नीतिहरू अद्यावधिक समेत गरेको थियो जसमा गलत र झुक्याउने जानकारी दिने ट्वीटमा प्रयोगकर्तालाई सचेत गराउने लेबल थप्ने कुरा गरिएको थियो ।
राष्ट्रपतिको पछिल्ला त्यस्ता ट्वीटलाई मतदान प्रक्रियाहरूबारे झुक्याउन सक्ने खालका जानकारी भएकोले त्यसो गरिएको उक्त कम्पनीले जनाएको छ ।
ट्रम्पले ट्विटरको यस कदमबारे ट्वीट गर्दै उसले अब सन् २०२० को राष्ट्रपतिय निर्वाचनमा हस्तक्षेप गर्न लागेको प्रतिक्रिया दिएका छन् । उनले लेखेका छन्स् ‘ट्विटरले पूर्ण रूपमा खुला अभिव्यक्ति स्वतन्त्रताको घाँटी निमोठेको छ र राष्ट्रपतिको रूपमा मैले त्यसो हुन दिनेछैन ।’
पृष्ठभूमि
राष्ट्रपति ट्रम्पविरूद्ध कदम चाल्न यस सामाजिक सञ्जाल सुस्त देखिएको थियो । ट्रम्पले आफ्ना कतिपय ट्वीटमा सन् २००१ मा भएको लोरी क्लाउस्टसको मृत्युबारे व्यक्त गरेका अनुमानलाई ट्विटरले नहटाउने निर्णय गरेको पृष्ठभूमिमा यस कदम आएको छ ।
ट्रम्पले आफ्ना षड्यन्त्रका सिद्धान्त प्रस्तुत गर्दै श्रीमती क्लाउस्टसको हत्या त्यसबेलाका उनका हाकिम एमएसएनबीसी टेलिभिजनका प्रस्तोता जो स्कारबोर्गले गरेको उल्लेख गरेका थिए ।
जो स्कारबोर्गकी श्रीमतीले समेत राष्ट्रपतिलाई बिरामीु भन्दै ती ट्वीट हटाउन ट्विटरलाई आग्रह गरेकी थिइन् ।उक्त हत्या दुर्घटना सावित भएको थियो ।
त्यहाँ क्लिक गर्दा ट्विटर प्रयोगकर्ताहरू उक्त दाबीको खण्डन गर्दै लेखिएका समाचारहरूसम्म पुग्छन् । ट्विटरले मानिसहरूलाई झुक्याउने सूचनाका विषयमा नयाँ नीति लिने यसै महिनाको सुरुमा बताएको थियो ।
लोरी क्लाउस्टसका पति टिमोथी क्लाउस्टसले ट्विटरका प्रमुख कार्यकारी ज्याक डोर्सीलाई एउटा पत्र लेख्दै भयावह झुटु उल्लेखित उक्त ट्वीट हटाउन आग्रह गरेका थिए ।
ट्विटरले त्यसो गर्न अस्वीकार गरेको थियो । तर ट्विटरले टिमोथी क्लाउस्टसलाई राष्ट्रपतिका अभिव्यक्तिबाट परेको चोटबारे आफूहरू निकै दु:खी भएकाे बताएका थिए ।
ट्विटरको विज्ञप्तिमा भनिएको थियो : ‘हामी हाम्रा मौजुदा सुविधा र नीतिहरू विस्तार गर्नेगरी काम गरिरहेका छौँ जसले यस्ता कुरालाई अझ प्रभावकारी रूपमा सम्बोधन गर्न सक्नेछौं। र त्यस्तो परिवर्तन छिट्टै हुनेछ।’ (बीबीसी)
सम्बन्धित शिषर्कहरु
Copyright © 2024 Bikash Media Pvt. Ltd.