काठमाडाैं । गाविस सचिवबाट सेवा प्रवेश गरी शाखा अधिकृत रही अवकास प्राप्त एक कर्मचारीले पौने १८ करोड रुपैयाँकाे सम्पत्ति आर्जन गरेको खुलासा भएको छ ।

काठमाडौंको टोखा नगरपालिकाका तत्कालीन कार्यकारी अधिकृत ऋषिराम अर्यालले गाविस सचिवबाट सेवा प्रवेश गरी शाखा हधिकृत हुँदा सम्म १७ करोड ८३ लाख ४१ हजार ५ सय ७९ रुपैयाँकाे सम्पत्ति आर्जन गरेको बुझिएको हो ।

उनले विभिन्न तवरले अकुत सम्पत्ति कमाएको र ठाउँ ठाउँमा घर जग्गा जोडी आफ्नो कार्यकालका कर्मचारीलाई समेत दवावमा पारी नगरपालिकालाई भ्रष्टाचारको अखडा बनाएको भन्दै अख्तियार दुरुपयोग अनुसन्धान आयोगले उनी विरुद्द अदालतमा मुद्दा दायर गरेको छ ।

उनले आफ्नी श्रीमती र छोराछोरीको नाममा सो रकम जम्मा गरेको बताइएको छ । उनले लामो समय काठमाण्डौ जिल्लाका साविकको धापासी गाविस टोखा सरस्वती गाविस र भिमढुंगा गाविसमा गाविस सचिवको रुपमा कार्यरत रही टोखा नगरपालिकामा निमित्त कार्यकारी अधिकृतको रुपमा समेत कार्यरत रहेको र सोही समयमा धेरै ठाउँमा घरजग्गाहरु जोडेको अनुसन्धानबाट खुलेको छ ।

उनले  वि.स २०३९ मा  गाविस सचिवबाट सेवा प्रवेश गरेका थिए भने २०७५/ २०७६ मा शाखा अधिकृतबाट अवकास भएका थिए ।

अर्याललाई बिगो १७ करोड ८३ लाख ४१ हजार ५सय ७९ रुपैयाँ बिगो कायम गरी साविक भ्रष्टाचार निवारण ऐन, २०१७ को दफा १५ र दफा ३ एवं प्रचलित भ्रष्टाचार निवारण ऐन, २०५९ को दफा २० को उपदफा (२) बमोजिम सजायको माग गरिएको छ ।

सम्बन्धित शिषर्कहरु

बैंकविरुद्ध अराजक गतिविधिको नतिजा खराब कर्जा, २६२ प्रतिशतसम्म बढ्यो

खराब कर्जाका कारण बैंकहरूको नाफा साढे १३ प्रतिशत घट्यो, कुन बैंकको कति ?

नेपाल आएका पर्यटकको दैनिक औसत खर्च ४१ डलर

लघुवित्तहरूले नियम विपरित शुल्क लिएपछि राष्ट्र बैंकले गरायो १.१४ अर्ब रुपैयाँ फिर्ता

डिजिटल अर्थतन्त्रको अभ्यासमा नेपाल

भारत छिर्दै टेस्ला, टाटा मोटर्सलाई चुनौती