२०७७ वैशाख ३१ गते १३:४४ विकासन्युज
काठमाडौं । सिटिजन्स बैंक इन्टरनेशनलले चालु आर्थिक वर्षको चैत मसान्तसम्ममा १ अर्ब ९ करोड १२ लाख रुपैयाँ खुद नाफा कमाएको छ । जुन गत वर्षको तुलनामा २ करोड १६ लाख रुपैयाँ बढी हो । बैंकले गत आवको यसै अवधिमा बैंकले १ अर्ब ६ करोड ९६ लाख रुपैयाँ खुद नाफा कमाएको थियो ।
बैंकले प्रकाशित गरेको तेश्रो त्रैमासको वित्तीय विवरण अनुसार बैंकको वितरण योग्य नाफा ४१ करोड ९ लाख रुपैयाँ बढी रहेको छ ।
समीक्षा अवधिमा बैंकले खुद ब्याज आम्दानी र सञ्चालन नाफा दुबैमा वृद्धि गरेको छ । सो अवधिमा बैंकले २ अर्ब २४ करोड रुपैयाँ खुद ब्याज आम्दानी गरेको छ भने १ अर्ब ५२ करोड रुपैयाँ सञ्चालन नाफा गरेको छ ।
हाल ८ अर्ब ६२ करोड २१ लाख रुपैयाँ चुक्ता पुँजी रहेको बैंकको जगेडा कोषमा ३ अर्ब ४९ करोड ३३ लाख रुपैयाँ सञ्चित रहेको छ । बैंकको वार्षिक प्रतिसेयर आम्दानी १६.८७ रुपैयाँ रहेको छ ।
Copyright © 2024 Bikash Media Pvt. Ltd.