काठमाडौं । एनएमबि बैंकले चालु आर्थिक वर्षको चैत मसान्तसम्ममा १ अर्ब ८८ करोड रुपैयाँ खुद नाफा कमाएको छ । जुन गत वर्षको तुलनामा १४.०६ प्रतिशत बढी हो । बैंकले गत आवको यसै अवधिमा बैंकले १ अर्ब ६५ करोड रुपैयाँ खुद नाफा कमाएको थियो ।

बैंकले प्रकाशित गरेको तेश्रो त्रैमासको वित्तीय विवरण अनुसार बैंकको वितरण योग्य नाफा घटेर ५८ करोड ७७ लाख रुपैयाँ झरेको छ । जुन गत आर्थिक वर्षको सो अवधिमा ९७ करोड २१ लाख रुपैयाँ रहेको थियो ।

समीक्षा अवधिमा बैंकले ४ अर्ब २९ करोड रुपैयाँ खुद ब्याज आम्दानी गरेको छ । जुन गत आवको यसै अवधिको तुलनामा १ अर्ब २० करोड रुपैयाँ बढी हो । बैंकको सञ्चालन नाफा भने घटेर १ अर्ब ८७ करोड ६४ लाख रुपैयाँमा झरेको छ ।

चालु आवको ९ महिनाको अवधिमा बैंकले १ खर्ब २७ अर्ब ९३ करोड रुपैयाँ निक्षेप संकलन गरी १ खर्ब १५ अर्ब ५६ करोड लाख रुपैयाँ कर्जा परिचालन गरेको छ । त्यस्तै, गत आवको तुलनामा बैंकको खराब कर्जा अनुपात बढेर २.४८ प्रतिशतमा पुगेको छ ।

हाल १३ अर्ब ९५ करोड ९ लाख रुपैयाँ चुक्ता पुँजी रहेको बैंकको जगेडा कोषमा ६ अर्ब ३३ करोड रुपैयाँ सञ्चित रहेको छ । बैंकको वार्षिक प्रतिसेयर आम्दानी १८.६९ रुपैयाँ, प्रतिसेयर नेटवर्थ १४६ रुपैयाँ, मूल्य आम्दानी अनुपात २०.१७ गुणा, पुँजीकोष अनुपात १४.२६ प्रतिशत र कोषको लागत ७.०९ प्रतिशत रहेको छ ।

कम्पनीका अनुसार चैत मसान्तसम्ममा बैंकको आधारदर ९.९९ प्रतिशत छ भने स्प्रेडदर ४.८८ प्रतिशत रहेको छ ।

सम्बन्धित शिषर्कहरु

महासंघमा संयोजकको जिम्मा सापकोटालाई, प्राथमिकतामा व्यवसायीका समस्या समाधान

ऐसले फर्निचर शोरुम अब नेपालमा, नयाँ युगको शुरुवात गर्ने (फोटो फिचरसहित)

फास्ट ट्रयाक तोकिएकै समयमा बन्छ, लागत बढेको छैनः प्रधान सेनापति शर्मा

१० बैंकको २० अर्ब वितरणयोग्य नाफा ऋणात्मक

सचिव मरासिनीसहित ८ जनाले पाए सफाइ, सुनिल पौडेल दोषी ठहर

फास्ट ट्रयाक समयमै सम्पन्न गर्न समितिको सरकारलाई निर्देशन