२०७६ चैत २६ गते १८:१५ विकासन्युज
काठमाडौं । राष्ट्रपति विद्यादेवी भण्डारीले टेलिफाेन मार्फत बेलायती प्रधानमन्त्रीकाे स्वास्थ्यलाभको कामना गरेकी छन् । उनले संयुक्त अधिराज्यकी महारानी एलिजाबेथ द्वितीयालाई टेलिफोन सम्पर्क गरी कोरोना भाइरस सङ्क्रमित भई उपचाररत प्रधानमन्त्री बोरिस जोन्सनको शीघ्र स्वास्थ्यलाभको कामना दिएकी हुन् ।
राष्ट्रपति भण्डारीले नेपाल बेलायतबीच विद्यमान करीब दुई सय वर्षको सम्बन्ध स्मरण गर्दै विश्वमा महामारीका रुपमा फैलिएको कोभिड–१९ विरुद्ध लड्न सम्पूर्ण विश्व एक हुुनुपर्ने आवश्यकता पनि औंल्याएको राष्ट्रपतिको सचिवालयले जनाएको छ ।
Copyright © 2024 Bikash Media Pvt. Ltd.