२०७६ चैत २६ गते १६:३३ विकासन्युज
काठमाडौं । चेम्बर अफ कमर्सले कोरोना भाइरस (कोभिड-१९) प्रकोपका सन्दर्भमा विभिन्न जिल्लामा सहयोग गर्दै आएको र उक्त सहयोग जारी राखेको छ । यससँगै, आज(बुधबार) पनि विभिन्न जिल्लाका चेम्बरले विभिन्न स्थानमा माक्स लगायत विभिन्न सामानहरु वितरण गरेको छ ।
जसमध्ये चितवन चेम्बर अफ कमर्सले १० हजार मास्क वितरण गरेको छ । त्यस्तै, खैरहनी नगर चेम्बर अफ कमर्सले १४ सय ५० माक्स नगर पालिकालाई र ५ सय ३० माक्स इलाका प्रहरी कार्यालय खैरहनीलाई वितरण गरेको छ ।
त्यसैगरी, चेम्बर अफ कमर्स जाजरकोटले स्वास्थ्य सेवा कार्यालय अन्तरगत रहेको जिल्ला अस्पतालमा हात धुने धारा निर्माण गरेको छ । कमर्सले आफ्नै लगानीमा जिल्ला अस्पतालमा हात धुने धारा निर्माण गरेको हो ।
Copyright © 2024 Bikash Media Pvt. Ltd.
