२०७६ चैत २५ गते १४:२३ विकासन्युज
काठमाडौँ । कालोबजारीको आरोपमा जगदम्बा समूहका प्रबन्ध निर्देशक सुलभ अग्रवाल पक्राउ परेका छन् । महानगरीय प्रहरी अपराध महाशाखाका एसपी हृदेय थापाले पक्राउ परेको जानकारी दिए ।
कोरोना भाइरसको महामारीसँगै बिक्री ह्वात्तै बढेको ज्वरो नाप्ने थर्ममाेमिटर गन कालोबजारी गरेकाे प्रहरीकाे आराेप छ । जगदम्बा समूहको जगदम्बा स्टिलका मालिक अग्रवाललाई ६७ पिस थर्मलगन सहित महानगरीय प्रहरी अपराध महाशाखाले पक्राउ गरेको हो ।
३ हजारदेखि पाँच हजार रुपैयाँसम्म पर्ने थर्ममाेमिटर गनलाई अग्रवालले १५ हजार रुपैयाँसम्म बिक्री गरिरहेको सूचनाका आधारमा उनलाई पक्राउ गरिएको महाशाखा जानकारी दिएको छ । उनकाे साथबाट ६७ थान थर्ममाेमिटर गन पनि बरामद गरेको छ ।
अग्रवाल नेपाल उद्याेग परिसंघका उपाध्यक्ष समेत हुन् ।
कीर्गिस्तानमा अवैतानिक महाबाणिज्य दूत समेत रहेका उनले कालोबजारी गर्ने क्रममा कूटनीतिक नियोगको गाडी प्रयोग गरेको पाइएको छ । उनको साथबाट २०९८ सीसी वान नाम्बरको गाडी प्रहरीले बरामद गरेको छ ।
उनलाइ प्रहरीले नक्सालमा पक्राउ गरेकाे हाे ।
थर्मल गन गाडीमा राखेर कालाेबजारी गरेकाे अवस्थामा पक्राउ गरिएकाे एसपी थालले बताए ।
उनलाई महानगरीय प्रहरी अपराध महाशाखामा राखिएकाे छ ।
जगदम्बा ग्रुप नेपालका सबैभन्दा ठूलाे उत्पादन मुलक उद्याेगमा पर्छ । जगदम्बा स्टील, जगदम्बा सिमेन्ट लगायत ठूला उद्याेग याे समूहले चलाउँदै अाएकाे छ ।
Copyright © 2024 Bikash Media Pvt. Ltd.