२०७६ फागुन ५ गते १८:५९ विकासन्युज
काठमाडौं । कामना सेवा विकास बैंकले प्रदेश ७ मा एकैसाथ २ नयाँ शाखा खोलेको छ । बैंकले आफ्नो सेवा विस्तार गर्ने क्रममा प्रदेश नं. ७ अन्तर्गत कैलालीको सुखड र लम्कीमा एकैदिन २ वटा शाखा कार्यालय स्थापना गरि उद्घाटन गरेको हो ।
यससँगै अब बैंकको शाखा संख्या १२० पुगेका छन् ।
सुखड शाखाको उद्घाटन घोडाघोडी नगरपालिकाका प्रमुख ममताप्रसाद चौधरी र बैंकका अध्यक्ष सुदीप आचार्यले संयुक्त रुपमा गरेका हुन् । यसैगरी लम्की शाखाको उद्घाटन लम्कीचुहा नगरपालिका प्रमुख महादेव बजगाई र बैंकका अध्यक्ष सुदीप आचार्यले संयुक्त रुपमा गरेको हुन् ।
काठमाडौंको ज्ञानेश्वरमा आफ्नै भवनमा केन्द्रीय कार्यालय रहेको बैंकले यी शाखा सहित १२० वटा शाखा कार्यालयहरु तथा ६२ वटा एटीएमार्फत आफना ग्राहकहरुलाई सेवा प्रदान गर्दै आएको छ ।
Copyright © 2024 Bikash Media Pvt. Ltd.