काठमाडौं । काठमाडौं तारकेश्वर नगरपालिका वडा नं १ का राजेन्द्र बुढाथोकीलाई बाउन्स चेक भुक्तानी गर्न लगाएको आरोपमा १५ दिन कैद र ५ लाख जरिवाना गरिएको छ । उनलाई उच्च अदालत पाटनले बैंकिङ कसुर मुद्धामा उक्त जरिवाना गर्ने फैसला गरेको हो ।

अदालतले उनलाई असोजमा जरिवना गर्ने फैसला गरे पनि उनी फरार रहेका थिए । तर केन्द्रीय अनुसन्धान ब्युरोले उनलाई सोमबार ओखलढुङ्गाबाट पक्राउ गरी जिल्ला अदालत काठमाडौंमा पेश गरेको थियो । अदालतले उनलाई कैद भुक्तानको लागि मंगलबार केन्द्रीय कारागार सुन्धारा चलान गरेको छ ।

पीडित मधु बुढाथोकीको जाहेरीले उनी बैंकिङ कसुरमा कारागर चलान भएका हुन् । उनले पीडित बुढाथोकीलाई व्यवसायको लागि रकम आवश्यक पर्यो भने ५ लाख रुपैयाँ ऋण मागेका थिए । तर, उनले पटकपटक आलटाल गरी रकम फिर्ता नगरेको बुझिएको छ । उनले पीडित बुढाथोकीलाई बैंक अफ काठमाण्डूको आफ्नो खातामा भुक्तानी लिनु भनी चेक दिएको तर उक्त चेक सटही नभएपछि पीडित बुढाथोकीले कारवाहीका लागि उजुरी गरेका थिए ।

हाल उनी काठमाडौं महानगरपालिकाको वडा नं २६मा बस्दै आएका छन् ।

सम्बन्धित शिषर्कहरु

लाइन सिफ्टिङ तथा केबल परिवर्तनका लागि यी स्थानमा विद्युत सेवा अवरुद्ध

आँबुखैरेनी अस्पताललाई डायलाइसिस मेसिन प्रदान

दूधमा पनि बर्डफ्लुको भाइरस फेला

कैलालीका सात नदीमा तटबन्ध निर्माण सुरु

काँकरभिट्टा-लौकही सडक स्तरोन्नति

सार्वजनिक जग्गा संरक्षणमा लाग्न गृह मन्त्रालयको निर्देशन