प्रहरीमा जागिर दिन्छु भन्दै घुसखाने पूर्व सभासद पक्राउ
२०७६ भदौ १९ गते १४:५२ विकासन्युज
काठमाडौं । तत्कालिन संविधान सभाका सभासद डोल बहादुर कार्कीलाई प्रहरीले पक्राउ गरेको छ । प्रहरी निरीक्षकको नोकरी लगाई दिने बाहनामा राजकुमार राईसँग पटक पटक गरी चार लाख पाँच हजार घुस खाएको मुद्दामा दोषी ठहर भएको पूर्व सभासद कार्कीलाई प्रहरीले पक्राउ गरेको हो ।
विहीबार सतुङ्गल, काठमाडौंबाट पक्राउ परेका कार्कीलाई प्रहरीले फैसला कार्यान्वयनको लागि काठमाडौं जिल्ला अदालतमा पेश गरेको छ ।
सर्वोच्च अदालतको मिति २०७६ असार १७ गतेको फैसला गर्दै पूर्व सभासदलाई दोषी ठहर गरेको थियो । स्याङ्जा जिल्ला टकसार गा.वि.स. वडा नं. ६ स्थायी घर भएका कार्की हाल काठमाडौंमा बसोबास गर्दै आएका थिए ।
उनलाई अदालतले एक लाख जरिवाना र ६ महिना कैद हुने ठहर भएको गरेको छ । कार्कीलाई पीडित राजकुमार राईसँग दुई लाख पाँच हजार र स्वामी ब्रम्हानन्द उदासीनसँग एक लाख रुपैयाँ डोलवहादुर भन्ने डि.वि.कार्कीले लिएको भन्ने जाहेरी उनीमाथि थियो ।
सम्बन्धित शिषर्कहरु
Copyright © 2024 Bikash Media Pvt. Ltd.