२०७६ असार २९ गते १५:३७ विकासन्युज
काठमाडौँ । साताको पहिलो दिन आइतबार सेयर बजार झिनो अंकले बढेको छ । आज ०.९५ अंकले नेप्से बढेको हो । ०.०८ प्रतिशतले बढ्दा परिसूचक १२४९.४९ विन्दुमा पुगेको छ ।
आज १६१ कम्पनीका १० लाख ४२ हजार ६ सय ४६ कित्ता सेयर किनबेच हुँदा २८ करोड ५२ लाख १४ हजार ५ सय ७२ रुपैयाँ बराबरको कारोबार भएको नेपाल स्टक एक्सचेञ्ज लिमिटेड(नेप्से)ले जनाएको छ । नेप्से झिनो अंकले बढेपनि कारोबार रकममा भने गिरावट आएको छ ।
आइतबार ६ सूचकमा हरियाले छायो भने बाँकी राताम्मे भए । बैंकिङ समूह ०.६१, वित्त समूह १.६१, निर्जीवन बीमा समूह ०.१२, उत्पादनमूलक समूह २.५३ र वित्त समूह ०.४७ अंकले घट्यो भने होटल समूह ११.९६, विकास बैंक समूह ८.८५, लघुवित्त समूह ०.९४, अन्य समूह २.२५, जीवन बीमा समूह ३२.५२ र म्युचुअल फण्ड ०.०३ अंकले बढेका हुन् ।
आज माहुली सामुदायिक लघुवित्त वित्तीय संस्था लिमिटेडका सेयरधनीले सबैभन्दा बढी ९.९० प्रतिशतले नाफा कमाएका छन् भने मल्टीपर्पोज फाइनान्स कम्पनी लिमिटेडका लगानीकर्ताले सबैभन्दा बढी ८.२७ प्रतिशतले घाटा व्यहोरेका छन् ।
Copyright © 2024 Bikash Media Pvt. Ltd.