स्वाभिमान लघुवित्तको आईपीओ बाँडफाँड, तपाईलाई पर्यो कि परेन ? (हेर्नुस् सूची)
२०७६ जेठ ५ गते १४:३९ विकासन्युज
काठमाडौं । स्वाभिमान लघुवित्त वित्तीय संस्थाले वैशाख २७ गतेदेखि ३१ गतेसम्म निष्काशन गरेको आईपीओको आइतबार बाँडफाँड भएको छ । बिक्री प्रबन्धक सिद्धार्थ क्यापिटलका अनुसार उक्त आईपीओमा १८ हजार ५५८ जनाले १० कित्ता र ७ जनाले ११ कित्ताका दरले सेयर पाएका छन् । २० देखि ५००० कित्तासम्म आवेदन दिने ७ जनाले ११ कित्ताका दरले सेयर पाएका हुन् ।
उक्त आईपीओमा कुल ३ लाख २७ हजार ७४७ जना आवेदकले आवेदन दिएका थिए । जसमध्ये ३ लाख २७ हजार ४८६ जना आवेदकले भरेका आवेदन सदर भएको थियो भने बाँकी २३० जनाको आवेदन भने रद्ध भएको क्यापिटलले जनाएको छ ।
कुल ६० लाख ६१ हजार ७७० कित्ता दरको ६० करोड ६१ लाख ७७ हजार रुपैयाँ बराबरको आवेदन परेको थियो । जुन संस्थाको माग भन्दा ३२.६६ गुणा बढी हो । (तपाईलाई पर्यो कि परेन ? हेर्नको लागि यसमा क्लिक गर्नुहोस् ।)
स्वाभिमानले कूल एक करोड ९८ लाख ६१ हजार रुपैयाँ बराबरको एक लाख ९८ हजार ६१० कित्ता साधारण सेयर निष्काशन गरेको थियो । सो मध्ये कर्मचारीलाई ३ हजार ९३ कित्ता र म्युचुअल फण्डलाई ९ हजार ९३० कित्ता छुट्याएको थियो । त्यसमा बाँकी रहेको एक लाख ८५ हजार ५८७ कित्ता सेयर सर्वसाधारणलाई बिक्री गरेको थियो ।
सम्बन्धित शिषर्कहरु
Copyright © 2024 Bikash Media Pvt. Ltd.