पाँच वटै कमोडिटिज एक्सचेञ्ज कम्पनीको आवेदन खारेज, अब २ वटाले मात्रै लाइसेन्स पाउने

२०७६ वैशाख १२ गते १३:५१ विकासन्युज

काठमाडौं । नेपाल धितोपत्र बोर्डले कमोडिटिज एक्सचेञ्ज कम्पनीहरुको आवेदन खारेज गरेको छ । बोर्डले बिहिबार कमोडिटिज एक्सचेञ्ज कारोबार सञ्चालनको पूर्व स्वीकृतिका लागि आवेदन दिएका सबै कम्पनीहरुको आवेदन रद्ध गर्ने निर्णय गरेको हो ।

बोर्डले नयाँ आवेदनका लागि आव्हान समेत गरेको छ । बोर्डमा वस्तु विनिमय बजार संचालन गर्न पाँच वटा प्रस्तावित कम्पनीहरुले पूर्व स्वीकृतिका लागि निवेदन पेश गरेका थिए ।

वस्तु बजार सम्बन्धी नियमावली, २०७४ को नियम (५) बमोजिम उक्त कम्पनीहरुले सम्पूर्ण कागजात तथा विवरणहरु पेश गरेको नदेखिएकाले वस्तु विनिमय बजार सञ्चालन गर्न पूर्व स्वीकृतिका लागि आएका पाँचै निवेदकहरुलाई बोर्डले पूर्व स्वीकृति प्रदान गर्न इन्कार गर्ने निर्णय गरेको छ ।

मुलुकको अर्थतन्त्रको आकार, औद्योगिक व्यवसायको विकास, वस्तु कारोवारको सम्भाव्यता तथा लगानीकर्ताको हित संरक्षणलाई समेत दृष्टिगत गरी हाललाई बोर्डबाट दुई वटा मात्र वस्तु विनिमय बजार सञ्चालन गर्न स्वीकृति प्रदान गरिने नीतिगत निर्णय गरेको छ ।
नयाँ आवेदन दिन चाहने आवेदकका लागि बोर्डले आव्हान समेत गरिसकेको छ । यसरी वस्तु विनिमय बजार संचालनका लागि पूर्व स्वीकृति प्रदान गर्दा प्रस्तावित कम्पनीको पूँजी र रणनीतिक साझेदार, प्रस्तावित प्रविधि, व्यवसायिक योजना, संस्थागत स्वामित्व संलग्नता र व्यवस्थापनको योग्यताको आधारमा उत्कृष्ट दुई वटा आवेदकलाई छनौट गरिनेछ । साथै उपर्युक्त बमोजिम इन्कार गरिएका आवेदकले समेत पूर्व स्वीकृतिका लागि पुनः आवेदन गर्न सकिने व्यवस्था रहेको छ ।

पाँच वटै कमोडिटिज एक्सचेञ्ज कम्पनीको आवेदन खारेज, अब २ वटाले मात्रै लाइसेन्स पाउने

करोड चुक्ता पुँजी हुनुपर्ने, स्वदेशी लगानीकर्तालाई ५ र विदेशीलाई ५१ प्रतिशतको लगाम

कमोडिटी सञ्चालन गर्न इच्छुक सबै कम्पनी ‘अयोग्य’