हेटौँडा । ठूलो कारखानामा सञ्चालन भएको ऋद्धिसिद्धि सिमेन्टले नेपाल गुणस्तर चिह्न (एनएस) प्राप्त गरेको छ । शङ्कर समूह र अम्बे समूहको रु १० अर्ब लगानीमा स्थापित उद्योगको ओपिसी ब्राण्डले एनएस पाएको हो ।

अहिले शिवम् सिमेन्ट र अर्घाखाँची सिमेन्टबीच रहेको प्रतिस्पर्धामा अब ऋद्धिसिद्धि पनि ओर्लेको हेटौँडाका उद्योगी व्यवसायी बताउँछन् । उद्योगबाट अहिले दैनिक दुई हजार टन सिमेन्ट उत्पादन भइरहेको छ । अहिले ग्राइन्डिङ युनिट मात्रै सञ्चालनमा आएको हो । तीन महिनापछि आफ्नै क्लिङ्करबाट सिमेन्ट उत्पादन हुने उद्योगले जनाएको छ । गुणस्तरीय सिमेन्ट तयार गर्न उत्कृष्ट चुन ढुङ्गा चाहिन्छ ।

मकवानपुरको राक्सिराङ र निबुवाटारमा चुनढुङ्गा खानी छ । शक्तिखोरको प्रिमियम चुनढुङ्गा पनि उद्योगसँग छ । देशभरमा हेटौँडाको चुनढुङ्गा त्यसमध्ये एक हो । त्यसैकारण ऋद्धिसिद्धिले आफ्नो ब्राण्डिङका लागि हेटौँडाको सिमेन्ट ट्याग लाइन प्रयोग गरेको छ ।

उद्योगको कारखना हेटौँडाको रातोमाटेमा छ । चालीस बिघामा फैलिएको सो कारखानामा डेनमार्क र जर्मन कम्पनीका यन्त्र प्रयोग भएको छ । डेनमार्कको एएलिस्टिक मेशिन विश्वकै उत्कृष्ट मानिन्छ ।

सम्बन्धित शिषर्कहरु

विकासन्युज प्रभावः टीभीएसले ग्राहकको समस्या समाधान गर्यो

सातामै ६ हजारले बढ्यो सुनको मूल्य, छैन बिक्री

नबिल बैंकका ग्राहकले ‘हेयर एण्ड शान्ति’ बाट सेवा लिँदा छुट पाउने

राइड सेयरिङ सेवा पनि औद्योगिक व्यवसाय ऐनमा सूचिकृत

विज्ञापन संघको अध्यक्षमा सुदिप थापा, यस्तो बन्दै छ नयाँ कार्यसमिति

भृकुटीमण्डपमा विशेष छुटको व्यवस्थासहित जुत्ता चप्पल मेला सञ्चालनमा, ३० बढी ब्राण्डको सहभागिता