काठमाडौं । प्राइम कमर्सियल बैंकले गत आर्थिक वर्षमा १ अर्ब ९४ करोड रुपैयाँ खुद नाफा गरेको छ । राष्ट्र बैंकको निर्देशन अनुसार ५ करोड रुपैयाँ समायोजनपछि बैंकको वितरण योग्य नाफा १ अर्ब ८९ करोड २० लाख रुपैयाँ रहेको छ ।

यस्तो नाफा अघिल्लो आर्थिक वर्ष १ अर्ब ४६ करोड रुपैयाँ थियो । आर्थिक वर्ष २०७३/७४ तुलनामा आर्थिक वर्ष २०७४/७५ मा बैंकले २९ प्रतिशतले नाफा बृद्धि गरेको छ ।

बैंकको प्रतिसेयर आम्दानी २३ रुपैयाँ ५५ पैसा छ जुन अघिल्लो वर्षको तुलनामा ३४ पैसा बढी हो ।

बैंकको चुक्ता पुँजी ८ अर्ब ३ करोड छ भने जगेडा कोषमा ३ अर्ब ७१ करोड छ ।

असार मसान्तमा बैंकको वासलात ९६ अर्ब ६ करोड रुपैयाँ बराबर भएको छ । बैंकले असार मसान्तसम्ममा ८१ अर्ब ३१ करोड निक्षेप संकलन गरेको छ भने ७० अर्ब ९२ करोड कर्जा सापटी दिएको छ । त्यस्तै, विभिन्न सेयरमा ७ अर्ब ६६ करोड रुपैयाँ लगानी गरेको छ ।

बैंकको क्यापिटल एडेक्वसी १२.५४ प्रतिशत छ । खराव कर्जा शुन्य दशमलव ६६ प्रतिशत छ भने सीडी रेसियो ७५ प्रतिशत छ । बेसरेट १०.४७ प्रतिशत छ ।

सम्बन्धित शिषर्कहरु

निजी क्षेत्रको नेतृत्वमा उच्च र समावेशी आर्थिक वृद्धि हासिल गर्नुपर्छ

पूर्वमन्त्री आलमलाई जन्मकैदको फैसला

भारतीय कम्पनीलाई भुक्तानी गर्न अवरोध, इन्टरनेट काटिन सक्ने सेवा प्रदायकको चेतावनी

सर्वोत्तम सिमेन्टको १५ प्रतिशत लाभांश पारित, सञ्चालकमा ७ जना निर्वाचित

आङटावा शेर्पालाई ३० लाख धरौटीमा छोड्न सर्वोच्चको आदेश

एनसीएचएलले नेप्सलाई १ः०.२८ को स्वाप रेसियोमा प्राप्ति गर्ने