काठमाडौं । चालु आर्थिक वर्षको ९ महिनामा जनता बैंकले नाफा बढाएको छ ।  गत चैतसम्म बैंकले ५७ करोड ५७ लाख रुपैयाँ खुदनाफा गरेको छ । गत आवको सोही अवधिमा बैंकले ३८ करोड १८ लाख रुपैयाँ नाफा गरेको थियो ।

समीक्षा अवधिमा बैंकको ब्याज आम्दानी बढेपछि समग्र नाफामा बढेत्तरी आएको हो । गत चैतसम्म बैंकले १ अर्ब ५७ करोड रुपैयाँ ब्याज आम्दानी गरेको छ । गत आवको सोही अवधिमा ७४ करोड ५२ लाख रुपैयाँ आम्दानी गरेको थियो ।

बैंकको खराब कर्जा घटेर १.९५ प्रतिशतमा झरेको छ । गत पुसमा यस्तो कर्जा २.६५ प्रतिशत थियो । यस्तै निक्षेप लागत ७.८७, निक्षेप र कर्जा अनुपात ७९, आधार ब्याजदर ११.६६, कर्जा र निक्षेपबीचको ब्याजदर अन्तर ४.२५ प्रतिशत छ ।

बैंकको प्रतिसेयर आम्दानी ९ रुपैयाँ ५९ पैसा छ । समीक्षा अवधिमा बैंकले ५४ अर्ब ५७ करोड रुपैयाँ निक्षेप परिचालन गरी ५१ अर्ब १६ करोड रुपैयाँ कर्जा लगानी गरेको छ । बैंकको संचित कोष बढेर १ अर्ब ३७ करोड रुपैयाँ पुगेको छ ।

सम्बन्धित शिषर्कहरु

‘विदेश उत्तम, स्वदेश खत्तम’ भन्ने बुझाई गलत छ : अशोक राई

साधना र सबैको लघुवित्त मर्जरमा जाने, गरे अन्तिम सम्झौता

भेरी करिडोरमा तीनवटा पक्की पुल निर्माण हुँदै

सूर्योदय वोमी लघुवित्तको ६८ हजार कित्ता संस्थापक सेयर लिलामीमा, न्यूनतम मूल्य कति ?

युनिक नेपाल लघुवित्तको १ लाख ४० हजार कित्ता संस्थापक सेयर बिक्रीमा

बीमकलाई प्राधिकरणले भन्यो : भ्रम सिर्जना नगरी दावी भुक्तानी सुरु गर्नुस्