२०७४ चैत २० गते ११:५८ विकासन्युज
काठमाडौं । नेपाल स्टक एक्सचेन्ज लिमिटेड (नेप्से) मा ५ बैंक तथा वित्तीय संस्थाको बोनस सेयर कारोबारका लागि सुचिकृत भएको छ ।
नेप्सेमा मंगलबार १ करोड ५९ लाख ७९ हजार ३२४ कित्ता सेयर सुचिकृत भएको हो । जसअनुसार नेपाल बंगलादेश बैंकको ८ लाख ७० हजार ६१, ज्योति विकास बैंकको २३ लाख २ हजार ८७२ कित्ता बोनस सेयर सुचिकृत भएको छ ।
यस्तै स्वावलम्ब लघुवित्त वित्तीय संस्था लिमिटेडको ८ लाख ४१ हजार ४७७, सिटिजन्स बैंकको १ करोड ११ लाख १५ हजार ४६७ र सहयोगी विकास बैंकको ८ लाख ४९ हजार ४४७ कित्ता सुचिकृत भएको हो ।
५ वटै बैंक तथा वित्तीय संस्थाले गत आर्थिक वर्षमा गरेको नाफाबाट सेयरधनीलाई बोनस सेयर वितरण गरेका हुन् । चुक्तापुँजी बढाउन बैंक तथा वित्तीय संस्थाले बोनस सेयर वितरण गरेका छन् ।
Copyright © 2024 Bikash Media Pvt. Ltd.