२०७४ जेठ १७ गते १४:५९ विकासन्युज
काठमाडौं । राष्ट्रिय समाचार समिति (रासस)का नवनियुक्त महाप्रबन्धक ओपेन्द्र शर्माले बुधबार पदबहाली गरेका छन् ।
यही जेठ ९ गतेको मन्त्रिपरिषद्को बैठकले शर्मालाई राससको रिक्त महाप्रबन्धकमा नियुक्त गरेको थियो । पदबहाली गर्दै महाप्रबन्धक शर्माले आयआर्जनका स्रोत पहिचान गर्दै आगामी दिनमा राससलाई आत्मनिर्भर बनाउने प्रतिबद्धता व्यक्त गरेका छन् ।
संस्थाभित्र फरक-फरक विचार भए पनि संस्थालाई केन्द्रबिन्दु बनाएर कार्य गर्नुपर्ने महाप्रबन्धक शर्माको भनाइ छ । सोही अवसरमा अध्यक्ष कुलचन्द्र वाग्लेले बधाई तथा शुभकामना दिँदै सहकार्य र सामूहिक प्रयासका साथ संस्थालाई अगाडि बढाउने बताए ।
महाप्रबन्धक शर्मालाई विभागीय प्रमुख तथा कर्मचारीले बधाई तथा सफल कार्यकालको शुभकामना दिए । रासस
Copyright © 2024 Bikash Media Pvt. Ltd.