काठमाडौं, १२ कात्तिक । एनबी इन्स्योरेन्सले एकै दिन उपत्यकामा तीन वटा शाखा विस्तार गरेको छ । तिहारको अवसर पारेर एनबी इन्स्योरेन्सले कलंकी, कोटेश्वर र भक्तपुरको सलाघारीमा नयाँ शाखा सुरु गरेको हो । तीनवटै शाखाहरुको उद्घाटन बीमा समितिका अध्यक्ष डा. भक्त बहादुर केसीले गरेका थिए । तीन वटा नयाँ शाखा थपिएपछि एनबी इन्स्योरेन्सको शाखा संख्या १७ वटा पुगेको छ ।

शाखाको उद्घाटन कार्यक्रममा प्रा.डा.फत्तबहादुर के.सी.ज्यूले कम्पनीले छोटो समयमानै आफ्नो साख स्थापित गर्न सफल भएको बताए । उनले बीमा क्षेत्रको विकास र विस्तार साथै अनुभवी मानव संसाधनको उत्पादन गरेर बीमा क्षेत्रलाई टेवा दिनुका साथै ग्राहकहरुलाई छिटो र छरितो सेवा प्रदान गर्ने तर्फ ध्यान दिन कम्पनीको व्यवस्थापन र संचालक समितिलाई आग्रह गर्नुभयो । त्यसै गरी नेपाल सरकारले अघि सारेको कृर्षि तथा लघु बीमामा पनि आफ्नो सेवा विस्तार गर्न निर्देशन दिए ।

सोही अवसरमा कम्पनीका संचालक समितिका अध्यक्ष अम्बिका प्रसाद पौडेलले बीमा क्षेत्रमा आफ्नो पहिचान स्थापित गर्दै देशभरीनै शाखा सञ्जाल विस्तार गरी ग्राहक महानुभावहरुलाई सरल, छिटो तथा विश्वसनिय सेवा प्रदान गर्ने जानकारी गराए । कम्पनीको शुक्रबार उद्घाटन भएको ३ शाखा सहित १७ वटा शाखा, ५ वटा सम्पर्क कार्यालय तथा ११ वटा सेवा काउण्टरहरुबाट सेवाग्राहीहरुलाई सेवा प्रदान गर्ने जानकारी दिए ।

कम्पनीले हालै १० शेयर बराबर ८ शेयरका दरले प्रदान गरेको हकप्रद शेयरको बांकी शेयर बोलकबोल मार्फत रु.४ करोड ५३ लाख शेयर प्रिमियम प्राप्त गरेको जानकारी दिए ।  हकप्रद शेयर जारी पश्चात कम्पनीको चुक्ता पूंजी रु. २७ करोड पुगेको पनि जानकारी दिंदै निकट भविष्यमा नै कम्पनीले थप शाखा खोलेर आफनो शाखा सञ्जाललाई देशको विभिन्न भागमा विस्तार गर्दै सेवा प्रदान गर्ने जानकारी गराए ।

उक्त कार्यक्रममा प्रमुख कार्यकारी अधिकृत युगेशभक्त वादे श्रेष्ठले उद्घाटन भएका तीन शाखा मध्ये कोटोश्वर शाखामा शाखा प्रमुखदेखि तल्लो तहसम्मका सबै कर्मचारीहरु महिला रहेका र उक्त शाखालाई महिला शाखाको रुपमा स्थापना गरिएको जानकारी दिए ।

कम्पनीमा नयां लगानीकर्ताको रुपमा २०७१ साल माघबाट आई एम ई ग्रुप लगायत विभिन्न उद्योगी, व्यावसायी तथा प्रतिष्ठित व्यत्तित्वहरुको प्रवेशसंगै नयां व्यवस्थापनले कम्पनी संचालन गरे पश्चात भए गरेका कार्यहरुको बारेमा समेत जानकारी गराउंदै आ.ब. २०७२।०७३ मा ३५ करोड बीमा शुल्क आर्जन गरेको साथै करिब ४ करोड खुद नाफा आर्जन गरेको जानकारी गराए ।

सम्बन्धित शिषर्कहरु

महासंघमा संयोजकको जिम्मा सापकोटालाई, प्राथमिकतामा व्यवसायीका समस्या समाधान

ऐसले फर्निचर शोरुम अब नेपालमा, नयाँ युगको शुरुवात गर्ने (फोटो फिचरसहित)

फास्ट ट्रयाक तोकिएकै समयमा बन्छ, लागत बढेको छैनः प्रधान सेनापति

सचिव मरासिनीसहित ८ जनाले पाए सफाइ, सुनिल पौडेल दोषी ठहर

स्वास्थ्य बीमाबारे भ्रामक सूचनाको भर नपर्न स्वास्थ्य मन्त्रालयको अनुरोध

फास्ट ट्रयाक समयमै सम्पन्न गर्न समितिको सरकारलाई निर्देशन