२०७५ असोज ८ गते १२:१५ विकासन्युज
काठमाडौं । ज्योति विकास बैंकको ११ औं वार्षिक साधारणसभा असोज २९ गते हुने भएको छ । सभाले गत आर्थिक वर्षमा गरेको नाफाबाट सेयरधनीलाई ८.४ प्रतिशत अर्थात २१ करोड ८० लाख रुपैयाँ बराबरको बोनस सेयर वितरण गर्ने प्रस्तावलाई पारित गर्ने भएको छ ।
सभाले ज्योतिले हाम्रो विकास बैंक गरेको प्राप्तिको प्रस्तावलाई सभाले अनुमोदन गर्ने छ । सम्पत्ति तथा दायित्व मूल्याँकन (डीडीए) बाट तय भएको १ बराबर १ सेयर आदनप्रदान अनुपात (स्वाप रेसियो) लाई सभाले पारित गर्ने भएको छ ।
हाल बैंकमा संस्थापक र सर्वसाधारणको सेयर अनुपात ६० र ४० प्रतिशत रहेकोमा संस्थापक स्वामित्व घटाएर ५१ प्रतिशतमा झार्ने प्रस्ताव पनि सभाले अनुमोदन गर्ने छ । बाँकी ९ प्रतिशत संस्थापक सेयरलाई साधारणमा परिणत गर्ने प्रस्ताव सभामा पेश हुने बैंकले जनएको छ ।
Copyright © 2024 Bikash Media Pvt. Ltd.
