२०७५ असार ३२ गते १६:५० विकासन्युज
काठमाडौं । सानिमा बैंक लिमिटेड र पानस रेमिट प्रालीबीच पानस रेमिट मार्फत आउने विप्रेषण रकम नेपालमा बैंकिङ प्रणाली मार्फत भुक्तानी गर्ने सम्झौता भएको छ। सम्झौतामा सानिमा बैंकको तर्फबाट प्रमुख वित्तीय अधिकृत सरोज गुरागाई र पानस रेमिटको तर्फबाट मुख्य कार्यकारी अधिकृत धर्म पौडेलले हस्ताक्षर गरेका छन्।
सम्झौता अनुसार पानस रेमिट मार्फत यूरोप, अमेरिका, अस्ट्रेलिया, क्यानाडा र मध्यपूर्बी देशहरुबाट नेपाल पठाएको विप्रेषण रकम नेपालमा प्राप्त गर्ने व्यक्तिले सानिमा बैंकको सम्पूर्ण शाखाहरुबाट सहज रुपमा भुक्तानी पाउन सक्नेछन्। पानस रेमिट विगत नौ वर्ष देखि यूरोप, अमेरिका, अस्ट्रेलिया, क्यानाडा र मध्यपूर्बी देशहरुबाट नेपाल रेमिट्यान्स भित्र्याई रहेको छ।
Copyright © 2024 Bikash Media Pvt. Ltd.