२०७४ चैत १२ गते १९:०१ विकासन्युज
काठमाडौं । आपूर्ति व्यवस्थापन तथा उपभोक्ता हित संरक्षण विभागले राजधानी स्थित थापाथलिमा रहेको नर्भिक अस्पतालमा सोमबार अनुगमन गरेको छ । अत्यधिक बढि शुल्क लिएको सेवाग्रहिको गुनासोपछि अख्तियार दुरुपयोग अनुसन्धा आयोगको निर्देशनमा विभागका शाखा अधिकृत रमेशकाजी श्रेष्ठको नेतृत्वमा अनुगमन गरिएको हो ।
‘अनुगमनको क्रममा अस्पतालले आवश्यक बिलबिजक देखाउन सकेन,’ शाखा अधिकृत श्रेष्ठले भने ‘त्यसपछि हामीले २४ घन्टाभित्र आवश्यक बिलबिजकसहितको कागजात लिएर विभागमा उपस्थित हुन निर्देशन दियौं । त्यो पनि बुझ्न मानेन र मौखिक निर्देशन दिएर आएका छौं ।’ उनको अनुसार अझै पनि विभागले २४ घन्टासम्म पर्खेर हेर्ने, त्यस अबधिसम्म पनि कागजात नल्याएको खण्डमा जस्ताको त्यस्तै रिपोर्ट अख्तियारलाई बुझाइने छ । त्यसपछि अख्तियारनै आगाडी बढ्ने उनको बुझाइ छ ।
केही समयअघि मात्रै पनि उक्त अस्पतालमा देब्रे खुट्टाको अप्रेसन गर्न भर्ना भएको बिरामीलाई दाहिने खुट्टाको अप्रेसन गरेको घटनाबाहिर आएको थियो ।
Copyright © 2024 Bikash Media Pvt. Ltd.