काठमाडौं । सरकारले राष्ट्रिय सभा सदस्यमा सिफारिस गरेसँगै पूर्व गभर्नर डा. युवराज खतिवडालाई अर्थमन्त्री बन्ने बाटो खुलेको छ । झापाकै खतिवडालाई ओलीले अर्थमन्त्री बनाउने योजनासहित राष्ट्रिय सभा सदस्यमा सिफारिस गरेको एमाले श्रोतले भन्यो ।

‘पाँच बर्षसम्म अर्थतन्त्र सञ्चालन गर्नुपर्ने र घोषणा पत्रमा उल्लेख गरिएका महत्वकांक्षी योजना कार्यान्वयन गर्नुु पर्ने भएकाले खतिवडालाई अर्थमन्त्री बनाउने योजनासहित राष्ट्रिय सभामा पठाइएको हो’, एमाले श्रोतले भन्यो । यस अघि एमाले महासचिव ईश्वर पोखरेल र सचिव प्रदिप ज्ञवालीलाई अर्थमन्त्री बनाउने चर्चा थियो ।

तर अर्थतन्त्र नबुझेका व्यक्तिलाई अर्थमन्त्री बनाउँदा खराब सन्देश जाने र दातृ निकायहरुसँगको सम्बन्ध पनि बजबुत बनाउन नसकिने निकर्षसहित एमालेले खतिवडालाई अघि सारेको हो ।

नेपाल राष्ट्र बैंकका पुर्व गभर्नर डा. खतिवडाले राष्ट्रिय योजना आयोगमा उपाध्यक्षको जिम्मेवारी पनि सम्हालिसकेका छन् । खतिवडालाई दक्षिण एसियामै मौद्रिक नीतिका ज्ञाता मानिन्छ । खतिवडा बामपन्थी घोषणा पत्रका मस्यौदाकार समेत हुन् । खतिवडासँगै रामनारायण विडारी र बिमला पौडेललाई पनि राष्ट्रिय सभा सदस्यमा सिफारिस गरेको छ ।

सम्बन्धित शिषर्कहरु

उद्देश्यबिना ५० लाख बढीको व्यक्तिगत कर्जा अनगिन्ती प्रवाह

सर्वोच्च शिखरको १० वर्षे आरोह-अवरोह

काठमाडौं-चितवन यात्रा ५७ मिनेटमा, १०० किमि सडक बनाउन २२१ अर्ब लाग्ने

बढ्दो प्रविधिमैत्री शिक्षा, शिक्षकलाई चुनौती

चैत मसान्तको रिपोर्ट खराब निस्कँदै, एनबीएले खाने भयो बैंकको नाफा

चकलेटको भाउले कीर्तिमान कायम गर्नुमा जलवायु परिवर्तन जिम्मेवार छ ?