२०७४ असोज ३१ गते १३:४७ विकासन्युज
काठमाडौं । नेपाल ग्रामीण विकास बैंकले भदौ २७ देखि भदौ ३० गतेसम्म निष्काशन गरेको एफपीओको मंगलबार बाँडफाँट भएको छ । कुल दुई अर्ब ७३ करोड २२ हजार ८०० रुपैयाँ बराबरको आवेदन परेको उक्त एफपीओमा ९७ हजार ५०० जना आवेदकले मात्र सेयर पाएका छन् ।
बिक्री प्रबन्धक प्रभु क्यापिटलका अनुसार कुल २ लाख ५० हजार ५२४ जनाको आवेदन परेको उक्त एफपीओमा गोलाप्रथाबाट जम्मा ९७ हजार ५०० जनाले मात्र १० कित्ता सेयर पाएका छन् ।
कुल आवेदन परेको मध्ये ३ हजार ७९१ जनाको आवेदन रद्द भएको छ भने बाँकी आवेदकलाई सेयर नपरेको बिक्री प्रवन्धकले जनाएको छ । कम्पनीले ९ लाख ७५ हजार कित्ता एफपीओ जारी गरेको थियो ।
हाल कम्पनीको चुक्ता पुँजी ५५ करोड ७५ लाख रुपैयाँ रहेको छ । उक्त एफपीओ निष्काशन पश्चात कम्पनीको पुँजी ६५ करोड ५० लाख रुपैयाँ पुगेको छ । (कसले कति कित्ता पाए ? हेर्नको लागि यसमा क्लिक गर्नुहोस्)
Copyright © 2024 Bikash Media Pvt. Ltd.