काठमाडौं । फुडमाण्डुले महान चाड बडा दशैंको मौकापारेर यो पर्वको लागिविशेष छुट योजना सहितको “खाउँला, पिउँला फुडमाण्डुसँग रमाउँला” योजना शुरू गरेको छ । यस योजनाअन्तर्गत फुडमाण्डुका पार्टनर रेष्टुरेन्टहरुबाट अर्डर गरिएका हरेक प्रकारका खानाहरुको मेनु रेटमा १० प्रतिशतदेखी ३० प्रतिशतसम्म छुट प्रदान गरिनेछ ।

यो चाडवाडको याममा ग्राहकहरुले आफूलाई मनपर्ने प्रियखानाका साथसाथै मदिरा एवं वाइनहरु पनि फुडमाण्डु मार्फत् अर्डर गर्न सक्ने व्यवस्था मिलाइएको छ । फुडमाण्डुले आफ्नो सेवामाथप गरेको यो नयाँ सेवा हो र चाडवाडको मौसमलाई लक्षित गर्दै सीमित अवधिका लागि मदिरामा ८ प्रतिशत र बाइनमा १० प्रतिशत आकर्षक छुट समेत प्रदान गरिएको छ ।

फुडमाण्डुले आफ्ना ग्राहकहरुलाई उनीहरुका साथीभाइतथा परिवारजनसँग घरमै बसीबसी उत्कृष्ट रेष्टुरेन्टहरुबाट मनपर्ने स्वादिष्ट खानाका साथै त्यही समयमा आफ्नो रुची अनुसारको मदिरा एवं वाइनमगाउनलाई सुविधाहोस् भनेर यो अफर संचालनमा ल्याएको हो । फुडमाण्डु प्रालिका प्रबन्ध निर्देशक मनोहर अधिकारीले यसप्रकारको योजनाका कारण फुडमाण्डु र यसका ग्राहकहरु बीचको सम्बन्धअझ प्रगाढ बनाउन सहायक सिद्ध हुने विश्वास व्यक्त गर्ने भएको छ ।

फुडमाण्डु काठमाडौंका विभिन्न चर्चित रेष्टुरेन्टहरुको मेनुमा उल्लेखित मुल्य मै ग्राहकहरुको माग बमोजिमको खाना अर्डर गरेकै स्थानमा उपलब्ध गराउने सेवा संचालन गर्दै आएको एक विश्वसनीय एवं अग्रणी सेवा प्रदायक संस्था हो ।

सम्बन्धित शिषर्कहरु

विकासन्युज प्रभावः टीभीएसले ग्राहकको समस्या समाधान गर्यो

सातामै ६ हजारले बढ्यो सुनको मूल्य, छैन बिक्री

नबिल बैंकका ग्राहकले ‘हेयर एण्ड शान्ति’ बाट सेवा लिँदा छुट पाउने

राइड सेयरिङ सेवा पनि औद्योगिक व्यवसाय ऐनमा सूचिकृत

विज्ञापन संघको अध्यक्षमा सुदिप थापा, यस्तो बन्दै छ नयाँ कार्यसमिति

भृकुटीमण्डपमा विशेष छुटको व्यवस्थासहित जुत्ता चप्पल मेला सञ्चालनमा, ३० बढी ब्राण्डको सहभागिता