२०७४ असार ११ गते १६:५२ विकासन्युज
काठमाडौं । गुराँस लाइफ इन्स्योरेन्स कम्पनी लिमिटेडको सेयरधनीलाई ८ प्रतिशत बोनस दिने प्रस्ताव पारित भएको छ । साथै, कम्पनीले उक्त बोनस पश्चात कायम हुने पूँजीमा आफ्ना सेयरधनीलाई ५० प्रतिशत(२ः१ को अनुपातमा) हकप्रद सेयर निष्काशन गर्ने प्रस्ताव समेत पारित भएको छ ।
कम्पनीको उक्त प्रस्तावलाई आइतबार सम्पन्न कम्पनीको आठौं साधारण सभाले पारित गरेको हो । साथै, सभाले कम्पनीले साधारण प्रस्तावहरुमा आ.व. २०७३/२०७४ का लागि लेखा परिक्षक नियुक्ति लगाएत कम्पनीमा संस्थापक संचालकको रिक्त ४ स्थानमा विवेक दुगड़, रिषिकुमार गाडिया, शम्भुप्रसाद सुवेदी, मेघ राज पौडेलका साथै स्वतन्त्र संचालकमा शिवबहादुर श्रेष्ठलाई नियुक्ती गरेको छ ।
साधारणसभाले चुक्ता पुँजी बृद्धि लगाएत अन्य विविध विषयमा प्रबन्धपत्र नियमावलीमा संशोधन गर्ने विषयहरु समेत सर्व सम्मतीले पारित गरेको कम्पनीद्धारा जारी विज्ञप्तिमा उल्लेख छ ।
Copyright © 2024 Bikash Media Pvt. Ltd.