काठमाडौं । काठमाडौंका सडकमा भएको धुलोका कारण उत्पन्न वायु प्रदुषण नियन्त्रण गर्न महानगरपालिकाले आज (बैशाख ११ गते) राती ९ बजेदेखि सडक पखाल्ने भएको छ । महानगरपालिकाका प्रमुख कार्यकारी अधिकृत ईश्वरराज पौडेलले आज राती साढे ९ बजेबाट धुलो पखाल्ने अभियानको शुरुवात गर्दैछन् ।

‘आज राती ९ः३० बजेबाट सडक पखाल्ने काम शुरु गर्दैछौं’ प्रमुख कार्यकारी अधिकृत पौडेलले विकासन्युजसँग भने–‘अब हरेक दिन राती ९ बजेदेखि १२ वर्षसम्म सडकको धुलो र फोहोर पखाल्ने अभियान चलाउने छौं ।’

कार्यक्रमको पहिलो तीन दिन आफै उपस्थित भएर सडक पखाल्ने र तीन दिनको अनुभवका आधारमा निश्चित कार्ययोजना बनाएर निरन्तर सडक सफा बनाउने अभियान चलाउने उनले बताए ।

आज ४ वटा पानी ट्याङकर र २ वटा दमकल परिचालन गरि सडक पखाल्न शुरु गरिने छ । ‘एउटा पानी ट्याङकरले कति किलोमिटर पखाल्छ, दमकलले कति किलोमिटर पखाल्छ, आफैले हेर्छु । त्यसको आधारमा कार्ययोजना बनाएर अनुगमन गर्छु’ पौडेलले भने ।

उनका अनुसार शुरुमा चक्रपथभित्र मेलम्चीको खानेपानी पाईप विछ्याउने खनिएका बाहेकका सडक पखालिने छ । क्षमताअनुसार नियमित कार्यतालिका बनाएर सडक पखाल्ने काम हुनेछ । मेलम्चीको खानेपानी पाईप विछ्याइएका सडकमा धुलो कम गर्न हरेक दिन विहान पानी हालिनेछ ।

त्यस्तै, महानगरभित्र घर निर्माण गर्न जम्मा गरिएको निर्माण सामाग्री हटाउने, महानगरभित्रका सबै सडकमा रहेका खाल्टाखुल्टी पुर्ने, पिच गर्ने काम पनि अभियान कै रुपमा थालिएको उनले बताए ।

‘काठमाडौंमा नो हर्न अभियान धेरै सफल भएको छ, अब नो डस्ट (धूलो मूक्त) बनाउने प्रयास हुन्छ । यसलाई सफल बनाउनुपर्छ’ उनले भने–‘सडकलाई धूलो मुक्त बनाउन र सहरलाई ग्रिनरी (हरियाली) बनाउन महानगरपलिकाले नागरिकस्तरमा अभियान चलाउनेछ ।’

सम्बन्धित शिषर्कहरु

बैंकविरुद्ध अराजक गतिविधिको नतिजा खराब कर्जा, २६२ प्रतिशतसम्म बढ्यो

खराब कर्जाका कारण बैंकहरूको नाफा साढे १३ प्रतिशत घट्यो, कुन बैंकको कति ?

नेपाल आएका पर्यटकको दैनिक औसत खर्च ४१ डलर

लघुवित्तहरूले नियम विपरित शुल्क लिएपछि राष्ट्र बैंकले गरायो १.१४ अर्ब रुपैयाँ फिर्ता

डिजिटल अर्थतन्त्रको अभ्यासमा नेपाल

भारत छिर्दै टेस्ला, टाटा मोटर्सलाई चुनौती