पूर्व प्रधानमन्त्री ओलीले गरे पिएलओ लुब्रिकेन्टसको फ्याक्ट्री अवलोकन
२०७३ माघ ७ गते १३:०६ विकासन्युज
काठमाडौं, ७ माघ । पूर्वाञ्चल ल्युव आयल प्रालि १५ वर्ष पुगेको अवसरमा पूर्व प्रधानमन्त्री केपीशर्मा ओलीले कारखाना अवलोकन गरेका छन् । नेपालमा उत्पादन हुने लुब्रिकेन्टस मध्ये अग्रणी रहेको पिएलओले नेपालमा ८ प्रतिशत बजार हिस्सा रहेको पिएलओका डाइरेक्टर कृष्णप्रसाद दुलालले बताए ।
मोरङको बिराटचोकमा रहेका यस कम्पनीले पिएलओ, मेगा र स्टार ब्राण्डका ९० भन्दा बढी प्रकारका लुब्रिकेन्टस उत्पादन गरिरहेको छ । प्रत्यक्ष रुपमा २ सय भन्दा बढीलाई रोजगारी दिइरहेको पिएलओका देशभरमा ७ सय भन्दा बढी डिस्ट्रीब्युटर रहेका छन् । चालू आर्थिक वर्षमा ५० करोड बढीको कारोबार लक्ष कम्पनीले लिएको डाइरेक्टर दुलालले बताए । पिएलओको अबलोकन कार्यक्रममा पूर्व संचारमन्त्री शेरधन राई र पूर्व कानून मन्त्री अग्नी खरेलको पनि उपस्थिती रहेको थियो ।
सम्बन्धित शिषर्कहरु
Copyright © 2024 Bikash Media Pvt. Ltd.